係我屋企窗口拍嘅片
今日係我在丹麥咁耐見過最大嘅雪, 落足一整日, 未停過, 由於出門時天氣都唔差, 所以沒有特別準備, 就係禁惡劣嘅情況下, 放工都要踩單車返屋企, 嘩! 辛苦到你唔信, 雪乘風勢, 直插面同眼, 差唔多全情只可垂低頭踩, 不時仲要用手撥開眼前嘅雪同水, 因穿得不多, 只一件恤衫及絨褸, 唔防水, 凍到震, 喘哂氣! 我已無時間睇下對耳仔仲喺唔喺到, 只有一直衝返屋企, 實在太大雪, 已經無乜人喺街行, 踩單車就更少之又少!
最後我發覺自己全身有70%被雪覆蓋住, 同停喺街邊嘅車一模一樣, 但我就係變左白色移動雪人!
3 comments:
喂喂,
你應該post一張,你變成了雪人的相.
我咁大個女都未見過"真"雪人架!
:D <-- 幸災樂禍
Hi,你好,只是因為在discovery channel裡看過有關denmark的節目,自己好想獨自揹背囊去一次長旅行,所以無聊地在yahoo上打了丹麥兩字去search,出了幾個blog的address,就此在四個blog裡閱讀了一整個晚上.
看過你們幾位朋友的blog,同是香港人但擁有着不同身份留在彼邦卻因為internet而遇上,不同的故事很令人感動.也很同意你給那位17歲小妹妹的一封信中的看法.
沒有甚麼,羨慕之餘,只想跟你們打打氣說句努力呀!為自己的生命創造獨特的難忘回憶.
祝你地在丹麥生活開心愉快!
小心身體,唔好病倒,人在異鄉生病好慘. hk 好多人都中左流感所以現在大家都怕怕TAKE CARE
Post a Comment